“Avrointeqrasiya – Beynəlxalq Gənclər Forumu” davam edir.

AGAT-dan Trend-ə verilən məlumata görə, Forum panellərlə öz işinə davam edib. Panellər çərçivəsində Avropa İttifaqı münasibətləri və onların perspektivləri mövzusunda Xarici İşlər Nazirliyinin mətbuat katibi Elman Abdullayev və politoloq Elman Nəsirov ekspert qismində çıxış ediblər. Azərbaycan və Aİ münasibətləri, eyni zamanda Ermənistan-Azərbaycan, Dağlıq Qarabağ münaqişəsi ilə bağlı xarici qonaqlara məlumat veriblər.

Daha sonra millət vəkili Rasim Musabəyov, Azərbaycan Prezidenti yanında Strateji Araşdırmalar Məkəzinin tədqiqatçısı Ariz Hüseynov “Enerji təhlükəsizliyi; Azərbaycan Avropanın eneji təchizatçısı” kimi mövzuları çərçivəsində ekspert qismində iştirak edib. Ekspertlər çıxışı zamanı Azərbaycanın enerji təhcizatı sahəsində perspektivlərindən, xüsusi ilə Tap-Tanap regional layihələri barədə geniş məlumat veriblər. Sessiyaların sonunda avropalı qonaqlar tərəfindən gələn suallar cavablandılıb.

Qeyd edək ki, Forumda Fransa, Almanya, İsveçrə, Türkiyə, Böyük Britaniya, Polşa, İspaniya, Ukrayna, Gürcüstan və Macarıstan ölkələrinin gənc fəalları iştirak edir.