Kutlu Asya

Kutlu Asya

Türk dunyasi naxsha musabiqisige uyghur senetchilermu qatnishidu

Spread the love

2013 – Yili tunji qétim türkiyening eskishehir shehiride türk dunyasi naxsha musabiqisi ötküzülmekchi. Bu musabiqige 20 dölettin naxshichilar qatnishidu. Mezkur musabiqige qatnishidighan naxshichilar sani türkiy milletlerning nopusining az – Köplikige qarap belgilengen. Musabiqe ikki shallash musabiqisi, bir hel qilghuch musabiqidin terkip tapqan. 

Shallash musabiqiliri 12 – Ayning 19 – 21 – Künliri ötküzülidighan bolup, hel qilghuch naxsha musabiqisi bolsa 12 – Ayning 23 – Küni ötküzülidiken. Naxshichilarni shallash musabiqisige 20 dölet naxshichisi qatnishidighan bolup, bularning ichidin tallanghan 6 si hel qilghuch musabiqige qatnishish salahiyitige érishidiken. 

Bu musabiqini 2013 – Yili türk dunyasining kültür paytexti dep élan qilinghan eskishehir waliliqi, xelqara türk kültüri teshkilati, türk muzika birliki we anatoliya üniwérsitéti ortaq oyushturghan bolup, mezkur musabiqini türkiye dölet téléwiziyesi TRT neq meydandin tarqitidiken.

Türkiye maarip ministiri nabi awji ependi bu heqte muxbirlargha bergen bayanatida, mezkur musabiqining türk dunyasi üchün xeyirlik bolushini ümid qilidighanliqini bayan qilip mundaq dédi: 

– Özimizni dunyagha tonutushning eng muhim wasitiliridin biri muzika. Shunga yash – Ösmürlernimu öz ichige alghan bundaq bir naxsha muzika musabiqisiining türk dunyasi yashlirining hésyatini ipadilishi shundaqla öz – Ara chüshinishi üchün paydiliq bolushini ümid qilimen. Bu munasiwet bilen türk dunyasi eskishehirnimu tonuydu. Xuda buyrisa bundin kéyin élan qilinidighan türk dunyasi kültür paytexti bu musabiqini dawamlashturghusi. 

Biz bu musabiqe toghrisida téximu tepsiliy melumat élish üchün bu musabiqini oyushturghan türkiye eskishehir waliliqi xadimi chighdem xanim bilen söhbet élip barduq. 

U, türkiye jumhuriyiti hökümitining bu paaliyetke alahide ehmiyet bériwatqanliqini bayan qilip mundaq dédi: 

– 21 – Dékabir küni ötküzilidighan musabiqide naxshichilar özliri xalighan bir naxshini oquydu. Bu musabiqe türkiye dölet TRT arqiliq, shundaqla 24 dölettin kelgen 100 etrapida TV qanili teripidin tarqitilidu. Bu musabiqe türkiy jumhuriyetler musteqil bolghandin kéyin ötküzülgen eng zor musabiqidur. Türkiye hökümiti bu musabiqige alahide ehmiyet bermekte. 

Chighdem xanim bu musabiqining birinchi qétimliqining eskishehirde ötküzülidighanliqini, kéyinkilirining qaysi sheher türk dunyasining kültür paytexti élan qilinsa, shu dölette ötküzülidighanliqini bayan qilip mundaq dédi: 

– Türk dunyasi kültür paytexti eskishehir bolghachqa eskishehirde bir qétimla ötküzülidu. Kéyinkiliri kéyinki yillarda türk dunyasi kültür paytexti élan qilinghan sheherlerde ötküzilidu. Bu qétim eskishehirde ötküzilidighan naxsha musabiqisining muwappeqiyetlik bolush – Bolmasliqi bilenmu munasiwetlik. Eger bu musabiqe yaxshi ötse, buningdin kéyin bu musabiqe dawamlishidu dep oylaymen.

Musabiqining qisqartilghan ismi türkwiziyon bolup, bu musabiqige qatnishidighan musteqil döletler we aptonom rayonlar töwendikiche: 

Altay jumhuriyiti, ezerbeyjan, bashqurdistan, bilarus, bosniye, chuwashistan, gruziye, qazaqistan, qirghizistan, qirim aptonom rayoni, shimaliy séyprus, makédoniye jumhuriyiti, moldawa jumhuriyiti, özbekistan, rusye, sherqiy türkistan yeni uyghur aptonom rayoni, tataristan, türkiye, türkmenistan we ukraina.

Bu musabiqe toghrisida köz qarishini élish üchün uyghur naxshichi abdullah köse ependige mikrofonimizni uzattuq. U, bu musabiqige uyghurlarningmu qatnishishining uyghurlarni tonutush üchün zor ehmiyetke ige ikenlikini tekitlidi. 

1471199_10152046813203351_1515292984_n


Spread the love
Bir cevap yazın
*
*
*